最近系朋友圈被水母图片刷屏，啱睇到呢张水母照片果阵，仲以为系我小伙伴去左边度潜水果阵影嘅，一问先知道系佢养嘅宠物！！！你无睇错，呢种出现系地球上已经超十亿年嘅精灵生物，家阵已经可以放系屋企饲养，好似系海洋世界甘！！！
即刻八卦左下系边度有的买，原来系芳村有间水母专卖店--“嘟嘟水母”（目前系全广州市唯一一间宠物水母专卖店）。一去到“嘟嘟”，就见到几百只水母，即刻眼前一亮！！！
养水母我仲系头一次听，简直走系潮流尖端！！！养一缸水母摆系屋企，其他装饰品即刻变成浮云，皆因水母已经抢晒风头。了解左下养水母一个月嘅花费，大概都系50蚊左右，相当抵养！！！
“嘟嘟水母”专卖店暂时有三种水母：海月水母、果冻水母同埋倒立水母，而且听讲海月水母仲有段颇为凄美嘅古仔...
呢D全部都系实拍图，皆因靓到实在有D假，连我自己都唔信有甘靓嘅宠物！！！
系唔系好似显微镜下嘅细胞图，老实讲斋睇照片，真系分唔清佢系“海月”定“果冻”，不过如果系现场睇，海月相对安静好多，而果冻就好活泼！
除左观赏功能之外，水母仲可以改善睡眠质量…听到呢句，千其唔好以为系捞起佢地煮熟做食疗，亲身试过，睇住佢地悠悠闲闲甘游上游落，成个心会不知不觉静落黎。
呢个就系倒立水母啦，从外观上睇就好容易同其他两种水母区分开，倒立水母有好大个“吸盘”，正因为系甘，相对懒好多，成日倒吸住系玻璃上！
每日只需喂食佢地一次，十几秒就搞掂，大概两个星期左右换一次水，堪称“懒人宠物”，总结一句：岩晒我！！！佢地食饱之后个“胃”仲会显现出黎，成朵花甘好盏*！
呢度大概有只水母，熄灯睇真系靓到无朋友，大型水母缸摆系屋企玄关位就至岩啦，霸气得黎又聚财，一入门即刻抓实眼球！！！
当然仲有细D嘅水母缸选择，类似下边呢两款，养翻一打水母系入边，摆系书台，一黎可以装饰，二黎累左果阵，望住佢地，瞬间倦意尽散！
家阵买一小缸水母（6-8只），仲送配套产品（天然饵料+保护剂30ml+益生菌30ml+开缸盐g+换水盐+换水套装），无需你再另外去买，实惠又贴心！
仲有比较得意嘅水母观赏杯，“疯狂小鸟杯”入边有两只水母，配埋杯装用品，甘样一set只需要58蚊！“熊大杯”多左个发光底座，不过都只系贵10蚊。
水母身体劲柔软，所以佢地对水质系有要求，一买翻黎，水母缸需要先用水浸泡，再用开缸盐浸泡…甘样一听好似几麻烦下，不过唔洗惊，老细系大厅，皆因呢D琐碎事，老细佢会全部帮你搞掂，仲有养水母“秘笈”添，一条龙服务！
独家爆料
除咗水母之外，呢度仲有其他好好玩嘅宠物，例如海马、孔雀鱼之类，样样都好新奇趣怪！！！
店名：嘟嘟水母
-